contraccións

O primeiro encontro coa Irmandade tivo lugar no chamado castro da Framela,
preto das Neves, onde cinco mil irmandiños confiaban en cortarlles o paso,
sen contar naqueles primeiros días da volta dos señores coa determinación dos feudais,
que cargaron cos arcabuceiros por diante para desconcerto dos labregos e
viláns que nunca tal viran, acometendo logo os peóns xurdidos no medio do lume
e das explosións para crebar as defensas e esganar a coitelo os feridos e todos aqueles que non puideran fuxir. Mais con todo, se grande foi o dano para a Irmandade
nesta batalla, maior puidera ter sido de non dar por boa Soutomaior a victoria,
impedíndolles ós seus homes asañarse perseguindo ós fuxidos. Pero o efecto da primeira
derrota foi decisivo para os ata o de entón invencibles exércitos irmandiños
e fornecidos os feudais de novos azos sabéndose donos do chan polo que ava n z aban,
durmiron ó abeiro de Framela, establecendo no castro o primeiro acampamento
e lugar de refuxio no caso de ter que retroceder na procura de cuartel.